काठमाडौं । साताको दोस्रो दिन सोमबार नेपाली बजारमा सुन र चाँदी दुवैको मूल्यमा ठूलो गिरावट आएको छ। अघिल्लो दिन आइतबार तोलामा ३ हजार ५०० रुपैयाँले बढेको सुनको मूल्य आज सोमबार भने ३ हजार ७०० रुपैयाँले घटेको हो।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ३ लाख १३ हजार २०० रुपैयाँ कायम भएको छ। हिजो आइतबार (फागुन २४ गते) सुन प्रतितोला ३ लाख १६ हजार ९०० रुपैयाँमा कारोबार भएको थियो।
सुनसँगै आज चाँदीको मूल्यमा पनि गिरावट देखिएको छ। चाँदी तोलामा ६५ रुपैयाँले घटेर ५ हजार ४१० रुपैयाँमा कारोबार भइरहेको महासंघले जनाएको छ। हिजो चाँदी प्रतितोला ५ हजार ४७५ रुपैयाँमा खरिदबिक्री भएको थियो।
