काठमाडौँ । साताको दोस्रो कारोबार दिन सोमबार सेयर बजारमा दोहोरो अङ्कको गिरावट देखिएको छ। नेपाल स्टक एक्सचेञ्ज (नेप्से) सूचक २६.०७ अङ्कले घटेर २७९८.८३ विन्दुमा कायम भएको छ। सूचकसँगै यस दिन कारोबार रकममा पनि केही गिरावट आएको छ।
बजारमा आज ३४५ कम्पनीका ३ करोड ७ लाख ९० हजार २११ कित्ता सेयर खरिदबिक्री हुँदा ११ अर्ब ९७ करोड ४६ लाख ९६ हजार रुपैयाँ बराबरको कारोबार भएको छ। दिनभर कुल ४८ कम्पनीको सेयर मूल्य बढ्दा बाँकी अधिकांश कम्पनीको मूल्यमा गिरावट आएको छ।
बजार घटे पनि ५ वटा कम्पनीको सेयर मूल्यमा भने सकारात्मक सर्किट लागेको छ। सालपा विकास बैंक, रिलायन्स स्पिनिङ मिल्स, अप्पर हेवाखोला हाइड्रोपावर र सोलु हाइड्रोपावरको सेयर मूल्य १० प्रतिशतले बढेको छ भने होटल फरेस्ट इन ९.९३ प्रतिशतले बढेको छ।
समूहगत रूपमा हेर्दा आज उत्पादन तथा प्रशोधन उपसूचक बाहेक अन्य सबै उपसूचकहरू ओरालो लागेका छन्। यसदिन वाणिज्य बैंक १.६१, लगानी १.५२ र अन्य समूह १.०९ प्रतिशतले घटेकाे छ।
