नेकपा एमाले एकता अब विस्तारै टर्दै गएको छ । अध्यक्ष केपी शर्मा ओली र वरिष्ठ नेता माधवकुमार नेपालबीच सहमति जुट्न नसकेका कारण एमाले एकता टर्दै गएको हो । माधव नेपाल समुह अब नयाँ पार्टी निर्माणको तयारीमा लागेका छन् । नेपाल नयाँ पार्टी गठनको बाटोमा लाग्दै गर्दा उनको पक्षमा रहेका ९ सांसद भने अब संस्थापन पक्षतिर लागेका छन् ।
प्रधानमन्त्री शेरबहादुर देउवाले साउन ३ गते संसद्मा विश्वासको मत लिने दिन संसद् हलबाट बाहिरिएका नेकपा (एमाले) का सांसदहरुले पार्टी विभाजनमा आफुहरुको असहमति जनाउँदै संस्थापन पक्षमै रहने भएका छन् ।
नेपाल पक्षका सांसदहरु सुरेन्द्र पाण्डे, घनश्याम भुसाल, गोकर्ण विष्ट, योगेश भट्टराई, यज्ञराज सुनुवार, झपट रावल , डा। दीपकप्रकाश भट्ट, नारायण खतिवडार राजबहादुर बुढालगायत सांसदहरु पार्टी विभाजनको पक्षमा छैनन् । उनीहरु ओली पक्षका दोस्रो तहका नेताहरुसंग वार्तामै थिए ।
