काठमाडौँ । नेपालमा हाल पश्चिमी वायुका साथै भारतको ओडिसा आसपास रहेको न्यून चापीय क्षेत्रको आंशिक प्रभाव कायम रहेको छ। यसै मौसमी प्रणालीका कारण आज आइतबार देशका केही भू-भागमा मौसम आंशिक बदली रहने जल तथा मौसम विज्ञान विभागले जनाएको छ। देशका अधिकांश भागमा मुख्यतया मौसम सफा रहे पनि केही ठाउँमा भने हल्का वर्षा र हिमपातको सम्भावना रहेको मौसमविद्हरूले बताएका छन्।
आज दिउँसो मधेश प्रदेश र कोशी प्रदेशलगायत गण्डकी प्रदेशका हिमाली क्षेत्रमा आंशिक बादल लाग्नेछ भने बाँकी भू-भागमा मौसम मुख्यतया सफा रहनेछ। कोशी प्रदेशको तराई भू-भागका साथै मधेश प्रदेशको एक-दुई स्थानमा मेघगर्जन र चट्याङ्गसहित हल्का वर्षाको सम्भावना रहेको छ। त्यसैगरी, आज राति देशको हिमाली क्षेत्रका साथै कोशी र मधेश प्रदेशका केही क्षेत्रमा आंशिक बदली रहनेछ भने अन्य क्षेत्रमा मौसम सफा रहनेछ।
विशेषगरी कोशी र गण्डकी प्रदेशका हिमाली भू-भागका एक-दुई स्थानमा रातिको समयमा मेघगर्जन तथा चट्याङ्गसहित हल्का वर्षा र हिमपात हुन सक्नेछ। यसका साथै तराईका भू




