काठमाडौँ । बालेन्द्र शाह नेतृत्वको सरकार गठन भएको १७ औँ दिनमा मन्त्रिपरिषद्का सदस्यहरूले आफ्नो सम्पत्ति विवरण सार्वजनिक गरेका छन्। विगतका सरकारहरूले विवरण बुझाए पनि सार्वजनिक गर्न हिचकिचाउने गरेको सन्दर्भमा, राष्ट्रिय स्वतन्त्र पार्टी (रास्वपा) र बालेन नेतृत्वको वर्तमान सरकारले पारदर्शिताको नयाँ नजिर स्थापित गरेको हो।

सार्वजनिक विवरण अनुसार प्रधानमन्त्री बालेन्द्र शाहले सम्पत्तिको परम्परागत परिभाषालाई बदल्दै ‘सामाजिक सञ्जालका फलोअर्स’ लाई आफ्नो मुख्य सम्पत्ति र आम्दानीको स्रोतका रूपमा देखाउनुभएको छ। उहाँको बैंक ब्यालेन्स १ करोड ४६ लाख रुपैयाँ रहेको छ, जसको स्रोत सामाजिक सञ्जाल (फेसबुकमा ४० लाख, युट्युबमा १२ लाख र एक्समा ५ लाख फलोअर्स) रहेको उल्लेख छ। उहाँको श्रीमती सविना काफ्लेको नाममा १९० तोला पैतृक सुन रहेको छ।

मन्त्रिपरिषद्मा सबैभन्दा बढी अचल सम्पत्ति शिक्षामन्त्री सस्मित पोखरेलको देखिएको छ, जसको परिवारसहितको संयुक्त सम्पत्ति करिब २० करोड ६ लाख रुपैयाँ बराबरको छ। यस्तै, गृहमन्त्री सुधन गुरुङको शेयर बजारमा ४ करोड ३१ लाखभन्दा बढी लगानी र ८९ तोला सुन रहेको पाइएको छ। अर्थमन्त्री डा. स्वर्णिम वाग्लेले सानेपा र तनहुँसहित चार ठाउँमा घर/अपार्टमेन्ट, ४५ तोला सुन र कुस्त बैंक मौज्दात सार्वजनिक गर्नुभएको छ, जसको मुख्य स्रोत उहाँको वैदेशिक रोजगारी रहेको छ।

मन्त्रिपरिषद्मा केही मन्त्रीहरूको जीवनशैली भने मध्यम देखिएको छ। महिला मन्त्री सीता वादीले १८ तोला सुनसँगै २० वटा कुखुरा र एउटा कुकुर रहेको पशुधनको विवरण समेत खुलाउनुभएको छ भने कृषिमन्त्री गीता चौधरीले माइतीले दिएका २ वटा बाख्रा र १० वटा कुखुरालाई आफ्नो सम्पत्तिका रूपमा उल्लेख गर्नुभएको छ। सरकारले २०४७ सालपछिका सबै सार्वजनिक पदधारीको सम्पत्ति छानबिन गर्ने कार्यसूची समेत अघि सारेको छ।

मन्त्रिपरिषद्का सदस्यहरूको सम्पत्ति विवरण: मुख्य आकर्षण र पूर्ण विवरण

नेपालको राजनीतिक इतिहासमा विरलै देखिने गरी बालेन्द्र शाह नेतृत्वको मन्त्रिपरिषद्का सदस्यहरूले पदभार ग्रहण गरेको १७ दिनमै आफ्नो व्यक्तिगत र पारिवारिक सम्पत्ति विवरण सार्वजनिक गरेका छन्। सरकारको १०० कार्यसूचीमा समेटिएको सुशासन र पारदर्शिताको योजनाअनुसार आइतबार सार्वजनिक गरिएको विवरणका मुख्य बुँदाहरू यस प्रकार छन्:

१. प्रधानमन्त्री वालेन्द्र शाह (बालेन)

प्रधानमन्त्री शाहको सम्पत्ति विवरणले आधुनिक युगको डिजिटल सम्पत्तिको नयाँ परिभाषा स्थापित गरेको छ। उहाँले सामाजिक सञ्जाललाई आफ्नो मुख्य आम्दानीको स्रोत र सम्पत्ति मान्नुभएको छ।

• बैंक मौज्दात: १ करोड ४६ लाख रुपैयाँ (मुख्य स्रोत: सामाजिक सञ्जाल)।
• डिजिटल सम्पत्ति: फेसबुकमा ४० लाख, युट्युबमा १२ लाख र एक्स (ट्विटर) मा ५ लाख फलोअर्स।
• घरजग्गा: आफ्नो नाममा छैन। आमाको नाममा काठमाडौँमा ५ आनामा घर, धनुषामा डेढ बिगाहामा घर र बुबाको नाममा महोत्तरीमा ९ बिगाहा जग्गा।
• सुनचाँदी: श्रीमती सविना काफ्लेको नाममा १९० तोला सुन/हिरा/गरगहना (स्रोत: पैतृक)।

२. शिक्षामन्त्री सस्मित पोखरेल (सरकारका प्रवक्ता)

अचल सम्पत्तिको हिसाबले पोखरेल मन्त्रिपरिषद्का सबैभन्दा ‘धनी’ सदस्य देखिनुभएको छ।

• अचल सम्पत्ति: काठमाडौँ, मोरङ र ललितपुर गरी ७ ठाउँमा करिब साढे २० करोड मूल्य बराबरको घरजग्गा (संयुक्त नाममा)।
• कुल सम्पत्ति: २४ करोड १६ लाख २७ हजार रुपैयाँ (ऋण ७५ लाख घटाउँदा खुद सम्पत्ति २३ करोड ४१ लाख)।
• सुनचाँदी: २५ तोला सुन, १०० तोला चाँदी।
• शेयर लगानी: बुबा र आमाको नाममा बैंक तथा विभिन्न कम्पनीमा १ करोड ४६ लाख बढीको शेयर र बचत पत्र।

३. गृहमन्त्री सुधन गुरुङ

गुरुङको सम्पत्तिमा शेयर बजार र सुनको बाहुल्यता देखिएको छ।

• शेयर लगानी: विभिन्न कम्पनी (होप होल्डिङ्स, एड्भेन्चर भिल्ला आदि) मा ४ करोड ३१ लाख बढीको लगानी।
• सुन: ८९ तोला।
• घरजग्गा: धनकुटामा १९ रोपनी, चितवनमा ३० कठ्ठा र गोरखामा २२१ रोपनी (बाँडफाँट नभएको संयुक्त)।

४. अर्थमन्त्री डा. स्वर्णिम वाग्ले

लामो समय अन्तर्राष्ट्रिय निकायमा काम गरेका वाग्लेको सम्पत्ति पारदर्शी र वैदेशिक आर्जनमा आधारित देखिन्छ।

• घर/अपार्टमेन्ट: सानेपा (२ करोड), ललितपुर (५ करोड), काभ्रे (३.७५ करोड) र तनहुँ (२ करोड) गरी ४ वटा घर/अपार्टमेन्ट।
• बैंक मौज्दात: १ करोड ९० लाख रुपैयाँ।
• सुन: ४५ तोला।
• ऋण: विभिन्न बैंक र व्यक्तिगत गरी ३ करोड ५५ लाख रुपैयाँ।

५. कानुनमन्त्री सोबिता गौतम

• घर: काठमाडौँ र चितवनमा २ वटा घर (श्रीमती र सासूको नाममा)।
• बैंक मौज्दात: १० लाख ५० हजार रुपैयाँ।
• सुनचाँदी: १५ तोला सुन, ९ तोला चाँदी र १ तोला हिरा।
• सवारी: २६ लाख ऋणमा खरिद गरिएको गाडी।

६. अन्य मन्त्रीहरूको संक्षिप्त विवरण