काठमाडौँ । राष्ट्रिय स्वतन्त्र पार्टी (रास्वपा) का सांसद र मन्त्रीहरूबीच आज ‘पूर्व बजेट छलफल’ हुने भएको छ। संसदीय दलको कार्यालय सिंहदरबारमा दिउँसो ४ बजे सुरु हुने यस छलफलमा आगामी आर्थिक वर्ष २०८३/०८४ को बजेटका प्राथमिकता र योजनाहरूबारे संवाद हुनेछ।
छलफलमा विशेषगरी अर्थमन्त्री डा. स्वर्णिम वाग्ले र भौतिक पूर्वाधार तथा यातायात मन्त्री सुनिल लम्सालको सहभागिता रहने बताइएको छ। सरकारले बजेट तर्जुमा गर्नुअघि आफ्ना सांसदहरूका सुझाव समेट्न र नीतिगत स्पष्टता ल्याउन यो बैठक आयोजना गरिएको हो। रास्वपाले बजेट निर्माण प्रक्रियालाई थप व्यावहारिक र जनमुखी बनाउन पूर्व बजेट छलफललाई महत्त्व दिएको छ।
