काठमाडौँ । राष्ट्रिय स्वतन्त्र पार्टी (रास्वपा) को सचिवालय बैठक आज आइतबार बस्ने भएको छ। पार्टी सभापति रवि लामिछानेले वनस्थलीस्थित केन्द्रीय कार्यालयमा बस्ने गरी बैठक आह्वान गर्नुभएको हो।
पार्टी प्रवक्ता मनिष झाका अनुसार बैठक बिहान ११ बजे सुरु हुनेछ। आजको बैठकमा विशेषगरी स्थानीय तहको उम्मेदवार छनोटका लागि आवश्यक रूपरेखा र ‘महाधिवेशन कार्यविधि २०८३’ का सम्बन्धमा विस्तृत छलफल हुने कार्यसूची रहेको छ।
यसका साथै, संसदीय दलको विधान संशोधन तथा मुलुकको पछिल्लो समसामयिक राजनीतिक विषयहरूमा पनि सचिवालय सदस्यहरूबीच छलफल हुने प्रवक्ता झाले जानकारी दिनुभयो। पार्टीलाई आगामी निर्वाचन र महाधिवेशनका लागि वैधानिक रूपमा थप सुदृढ बनाउन यो बैठक महत्वपूर्ण हुने रास्वपाले जनाएको छ।
