काठमाडौँ । मौसम पूर्वानुमान महाशाखाका अनुसार आज २०८३ वैशाख २५ गते शुक्रबार देशका विभिन्न भू-भागमा वर्षा र हिमपातको सम्भावना रहेको छ। हाल कोशी र मधेश प्रदेश लगायत देशका हिमाली र पहाडी भेगमा साधारणतया बदली रहने देखिएको छ।
आज दिउँसो कोशी प्रदेश लगायत अन्य प्रदेशका हिमाली र पहाडी भू-भागका केही स्थानहरूमा मेघगर्जन र चट्याङ्गसहित मध्यम वर्षा तथा हिमपातको सम्भावना रहेको छ। यस्तै मधेश प्रदेशका थोरै स्थान र बाँकी तराईका एक-दुई स्थानमा पनि हल्कादेखि मध्यम वर्षा हुन सक्ने महाशाखाले जनाएको छ।
रातिको समयमा पनि कोशी, बागमती र गण्डकी प्रदेशका हिमाली तथा पहाडी भू-भागका थोरै स्थानहरूमा मेघगर्जनसहित वर्षा र हिमपातको सम्भावना कायमै रहनेछ। मधेश प्रदेश लगायत अन्य हिमाली क्षेत्रका एक-दुई स्थानमा हल्का वर्षाको संकेत देखिएकाले महाशाखाले चट्याङ्ग र वर्षाबाट हुन सक्ने जोखिमप्रति सतर्कता अपनाउन सबैमा अनुरोध गरेको छ।
