काठमाडौं । नेकपा एमालेका अध्यक्ष केपी शर्मा ओली र राष्ट्रिय स्वतन्त्र पार्टी रास्वपाका वरिष्ठ नेता तथा पूर्वमेयर बालेन्द्र शाह एकैदिन झापा पुग्ने भएका छन्।
प्रतिनिधिसभा निर्वाचनमा दुबैले झापा–५ बाट उठ्ने तयारी गरेका छन् । ओली सोमवार दिउँसो झापा जाँदैछन् भने उनका सम्भावित प्रतिस्पर्धीका रूपमा हेरिएका बालेन पनि आजै झापा पुग्ने कार्यक्रम छ । दुवै प्रतिस्पर्धी नेताले मंगलबार यहाँबाट उम्मेदवारी मनोनयन दर्ता गर्ने कार्यक्रम छ ।
यी दुई ‘हेभिवेट’ हरूको आगमनले झापा–५ को राजनीतिक तापक्रम थप बढ्ने संकेत देखिएको छ ।
आज जनकपुरमा आयोजना हुने आमसभामा सहभागी भएपछि बालेन आफ्नो गृहजिल्ला महोत्तरी र त्यसपछि इटहरीमा संक्षिप्त भेटघाटपछि सिधै दमक जाने कार्यक्रम रहेको छ । ओली भने दिउँसो १२ बजे चन्द्रगढी विमानस्थलमा अवतरण गर्ने कार्यक्रम रहेको बताइएको छ।
