गोरखा । गोरखा निर्वाचन क्षेत्र नम्बर १ मा राष्ट्रिय स्वतन्त्र पार्टी (रास्वपा) का उम्मेदवार सुदन गुरुङले आफ्नो जित सुनिश्चित गर्नुभएको छ। पछिल्लो मतपरिणाम अनुसार ५३ हजारभन्दा बढी मत गणना भइसक्दा गुरुङले २४ हजार ५१ मत प्राप्त गर्दै प्रतिस्पर्धीहरूलाई निकै पछाडि पार्नुभएको छ।
गुरुङका निकटतम प्रतिद्वन्द्वी नेपाली कांग्रेसका प्रेमकुमार खत्रीले १३ हजार ५११ मत प्राप्त गर्नुभएको छ। अब गन्न बाँकी रहेको मत र दुवै उम्मेदवारबीचको मतान्तर (१०,५४०) लाई हेर्दा बाँकी सबै मत प्रतिस्पर्धी खत्रीलाई गए पनि गुरुङको जित निश्चित देखिएको छ।
यस क्षेत्रमा नेकपाका हरिराज अधिकारी १० हजार २३१ मतका साथ तेस्रो र नेकपा एमालेका रामचन्द्र लामिछाने ३ हजार ८० मतका साथ चौथो स्थानमा हुनुहुन्छ। गोरखामा परम्परागत राजनीतिक शक्तिलाई पछि पार्दै युवा उम्मेदवार गुरुङले हासिल गरेको यो जितलाई निकै चासोका साथ हेरिएको छ।
