काठमाडौं । नेपाली बजारमा साताको अन्तिम दिन शुक्रबार सुनको मूल्य स्थिर रहेको छ भने चाँदीको मूल्यमा सामान्य गिरावट आएको छ।
नेपाल सुनचाँदी व्यवसायी महासंघका अनुसार आज सुनको भाउ प्रतितोला ३ लाख ४ हजार ७ सय रुपैयाँ कायम गरिएको छ।
हिजो बिहीबार मात्रै सुनको मूल्य प्रतितोला ४ हजार ३ सय रुपैयाँले बढेर सोही मूल्यमा कारोबार भएको थियो।
सुन स्थिर रहे पनि आज चाँदीको मूल्यमा भने १० रुपैयाँको गिरावट आएको छ। हिजो प्रतितोला ५ हजार ६० रुपैयाँमा कारोबार भएको चाँदी आज घटेर ५ हजार ५० रुपैयाँमा झरेको महासंघले जनाएको छ।
