प्रधानमन्त्री प्रचण्डले डाकेको बैठकमा केपी ओली गएनन्

काठमाडौँ- प्रधानमन्त्री पुष्पकमल दाहाल प्रचण्डले डाकेको सर्वदलीय बैठकमा प्रमुख प्रतिपक्षी दल नेकपा एमालेका अध्यक्ष केपी शर्मा ओली अनुपस्थित भएका छन् ।

सिंहदरबारस्थित प्रधानमन्त्री तथा मन्त्रिपरिषद कार्यालयमा बसेको बैठकमा एमालेका उपाध्यक्ष तथा संसदीय दलका उपनेता सुवास नेम्वाङ र प्रमुख सचेतक पदम गिरी सहभागी भएपनि अध्यक्ष ओली अनुपस्थित भएका हुन् ।

संसदमा सहभागी दलहरुको बैठकमा नेपाली कांग्रेसका सभापति शेरबहादुर देउवा र उपसभापति एवम् उपप्रधानमन्त्री पूर्णबहादुर खड्का सहभागी छन् । त्यसैगरी बैठकमा माओवादी केन्द्रका तर्फबाट पार्टीका अध्यक्षसमेत रहेका प्रधानमन्त्री प्रचण्ड, वरिष्ठ उपाध्यक्ष एवम् उपप्रधानमन्त्री नारायणकाजी श्रेष्ठ र प्रमुख सचेतक हितराज पाण्डे सहभागी छन् ।

प्रतिपक्ष राष्ट्रिय स्वतन्त्र पार्टी रास्वपाका सभापति रवि लामिछाने र केन्द्रीय सदस्य सन्तोष परियार बैठकमा सहभागी छन् भने राष्ट्रिय प्रजातन्त्र पार्टी राप्रपाका अध्यक्ष राजेन्द्र लिङदेन बैठकमा सहभागी भएका छन् ।

सुन तस्करी प्रकरण छानबिनका लागि संसदीय समिति बनाउनुपर्ने माग गर्दै एमालेले गत साउन १० यता प्रतिनिधिसभाका सबै बैठक अवरुद्ध पार्दै आएको छ । संसद सञ्चालनका विषयमा छलफल गर्नका लागि प्रधानमन्त्रीले सर्वदलीय बैठक डाकेका हुन् ।

LEAVE A REPLY

Please enter your comment!
Please enter your name here

नोट :हजुरको पनि गाउँ, टोल, छर-छिमेक वा समाजमा कुनै सुचना, संदेश, या नयाँ जानकारी छन् भने, तत्काल हामीलाई सम्पर्क गर्नुहोस, हामि त्यसलाई समाचार बनाउने छौं । साथै suryapatra.com बाट प्रकाशित समाचारमा कुनै सुझाव,सल्लाह र प्रतिक्रिया भए वा बिज्ञापन दिनु परेमा हामीलाई सम्पर्क गर्नुहोस जसको लागि हाम्रो इमेल :-suryapatra.org@gmail.com तपाईं हामी सँग फेसबुक र ट्विटरमा पनि जोडिन सक्नुहुन्छ ।

ताजा