काठमाडाैं । तत्कालिन गृहमन्त्री तथा नेपाली कांग्रेसका नेता रमेश लेखकले आफुले प्रहरीलाई गोली चलाउन आदेश नदिए पनि पदीय नैतिकताका आधारमा राजीनामा दिएको बताएका छन् ।
उच्चस्तरीय छानबिन आयोगमा बयान दिएर फर्किएका लेखकले गृहमन्त्रीले आदेश दिने कानुनी व्यवस्था र अभ्यास छैन, तर पनि पदीय नैतिकताका आधारमा राजीनामा दिएको बताएका हुन् ।
शान्तिपूर्ण आन्दोलनमा पूर्वनियोजित रूपमा घुसपैठ भएपछि हिंसात्मक बनेको जेनजी आन्दोलनमा थुप्रै मानवीय हतहती भएपछि असैह्य पीडा महशुस गरी राजिनामा दिएको उनको भनाइ छ ।
लेखकले आफू लोकतन्त्रवादी भएकाले घटना छानबिन गर्ने आयोगमा मात्रै होइन, जनताको आयोगमा पनि आफू बयान दिन तयार रहेको बताए ।
उनले भने, ‘आयोगले भदौ २३ र २४ गते भएका घटनाहरूका् निष्पक्ष, वस्तुनिष्ट, तथ्यपरक, पूर्वाग्रहरहित ढंगले सम्पूर्ण कुराहरूको विश्लेषण गरेर अत्यन्त सुक्षम ढंगले अध्ययन गरेर आफ्नो प्रतिवेदन तयार गरोस् । म फेरि पनि बोलाए बयानका लागि जान तयार छु ।’
