काठमाडौं । निर्वाचन आयोगमा नौ राजनीतिक दलले समानुपातिक निर्वाचन प्रणालीतर्फका उम्मेदवारहरूको बन्दसूची बुझाएका छन् । आयोगका अनुसार सोमबार बेलुका ५ बजेसम्म ९ वटा राजनीतिक दलले बन्दसूची दर्ता गराइसकेका छन् ।
बन्दसूची बुझाउने दलहरूमा नेपाल मजदुर किसान पार्टी, नेपाल लोकतान्त्रिक पार्टी, राष्ट्रिय जनमोर्चा, जनप्रिय लोकतान्त्रिक पार्टी, नेपाल कम्युनिस्ट पार्टी (माक्सवादी–पुष्पलाल), गतिशील लोकतान्त्रिक पार्टी, जनता समाजवादी पार्टी नेपाल, समावेशी समाजवादी पार्टी र समावेशी समाजवादी पार्टी नेपाल रहेका छन् ।
फागुन २१ गते हुने निर्वाचनका लागि समानुपातिकतर्फको बन्दसूची बुझाउने अन्तिम दिन भएकाले आज निर्वाचन आयोगमा दलका प्रतिनिधिहरूको चहलपहल बढेको छ ।
