काठमाडौँ । नेपाली कांग्रेसले केन्द्रीय कार्यसम्पादन समितिको बैठक आह्वान गरेको छ। पार्टीका मुख्य सचिव कृष्णप्रसाद पौडेलका अनुसार बैठक आगामी सोमबार दिउँसो १ बजे ललितपुरस्थित बीपी नगरको केन्द्रीय कार्यालय बीपी स्मृति भवनमा बस्नेछ।

बैठकमा देशको वर्तमान राजनीतिक अवस्था, पार्टीका आन्तरिक गतिविधि तथा समसामयिक विषयवस्तुहरूबारे छलफल हुने जनाइएको छ। मुख्य सचिव पौडेलले केन्द्रीय कार्यसम्पादन समितिका सबै पदाधिकारी तथा सदस्यहरूलाई बैठकमा अनिवार्य रूपमा उपस्थित हुन आग्रह गरेका छन्।