काठमाडौं । कांग्रेस महामन्त्रीद्वय गगन थापा र विश्वप्रकाश शर्माको नेतृत्वका पक्षधरहरूले केन्द्रीय कार्यालय सानेपा घेराउ गरेका छन्।
नेपाली कांग्रेसभित्र विशेष महाधिवेशनको माग गर्दै उनीहरूले कांग्रेसकाे पार्टी कार्यालय घेराउ गरेका हुन् ।
विधानको धारा १७(२) अनुसार ५४ प्रतिशतभन्दा बढी (२,४८८ जना) महाधिवेशन प्रतिनिधिहरूले विशेष महाधिवेशनको माग गर्दै हस्ताक्षर बुझाएको तीन महिना पुग्न लाग्दा पनि पार्टीले बेवास्ता गरेको भन्दै आक्रोशित भएका छन्।
पार्टीको नियमित १५औँ महाधिवेशनको कार्यतालिका असफल भएपछि महामन्त्रीद्वय थापा र शर्माको नेतृत्वमा विशेष महाधिवेशनको तयारी तीव्र बनेको छ।
संस्थापन पक्षले नियमित महाधिवेशनलाई वैशाखमा सारेर अघि बढ्ने निर्णय गरेको छ भने
महाधिवेशन पक्षधरहरूले भृकुटीमण्डपमा हल बुकिङ गरेर पुस मसान्तमा विशेष महाधिवेशन गर्ने तयारी गरेका छन्।
