काठमाडौँ । जल तथा मौसम विज्ञान विभाग, मौसम पूर्वानुमान महाशाखाका अनुसार भोलि फागुन ८ गते शुक्रबार देशका केही पहाडी तथा हिमाली क्षेत्रमा आंशिकदेखि साधारणतया बदली रहने देखिएको छ।
विशेषगरी कोशी, बागमती र गण्डकी प्रदेशका उच्च पहाडी तथा हिमाली भू-भागका एक-दुई स्थानमा हल्का वर्षासँगै हिमपातको सम्भावना रहेको छ।
भोलि दिउँसो तराईका केही स्थानहरूमा बिहानको समयमा हुस्सु र कुहिरो लाग्ने हुनाले जनजीवन र यातायातमा सामान्य प्रभाव पर्न सक्नेछ। कोशी, बागमती र गण्डकी प्रदेशको हिमाली क्षेत्रमा बादल लाग्ने भए पनि बाँकी तराई भू-भागमा भने मौसम मुख्यतया सफा रहने महाशाखाले जनाएको छ।
रातिको समयमा कोशी प्रदेशको उच्च पहाडी तथा हिमाली भेगमा हल्का वर्षा र हिमपातको सम्भावना कायमै रहने छ भने तराईका केही क्षेत्रमा तुवाँलो लाग्न सक्नेछ। चिसो अझै कायमै रहेकाले आवश्यक सतर्कता अपनाउन मौसमविद्हरूले सुझाव दिएका छन्।
