काठमाडाैं । बिहीबार नेपाली बजारमा सुन र चाँदी दुवैको मूल्यमा भारी गिरावट आएको छ। नेपाल सुनचाँदी व्यवसायी महासंघका अनुसार आज सुनको भाउ प्रतितोला २ हजार ९०० रुपैयाँले घटेको हो।

यससँगै छापावाल सुनको मूल्य प्रतितोला २ लाख ८५ हजार ६०० रुपैयाँ कायम भएको छ, जबकि अघिल्लो दिन बुधबार यसको कारोबार २ लाख ८८ हजार ५०० रुपैयाँमा भएको थियो।

त्यसैगरी, चाँदीको मूल्यमा पनि तोलामा १०० रुपैयाँको गिरावट देखिएको छ। बुधबार प्रतितोला ४ हजार ९२० रुपैयाँमा कारोबार भएको चाँदी आज घटेर ४ हजार ८२० रुपैयाँमा झरेको छ।