काठमाडौँ । गण्डकी प्रदेश सरकारका अर्थमन्त्री जितप्रकाश आले मगरले आगामी आर्थिक वर्ष २०८३/८४ को बजेट वक्तव्यमा गम्भीर त्रुटि भएको स्वीकार गर्दै संसद्मा सार्वजनिक रूपमा माफी मागेका छन्. बजेट पुस्तिकारूमा अङ्कहरू फरक परेपछि उत्पन्न विवादलाई समाधान गर्न उनले उक्त त्रुटि सच्याएको घोषणा गरेका हुन्.
बजेटमा पर्यटन, उद्योग, वाणिज्य तथा आपूर्ति मन्त्रालयका लागि २ अर्ब रुपैयाँ विनियोजन गरिएको उल्लेख भए पनि वास्तविक रूपमा उक्त बजेट ९२ करोड रुपैयाँ मात्र रहेको अर्थमन्त्रीले स्पष्ट पारे. प्राविधिक कारणले अनपेक्षित रूपमा बजेटको अङ्क थपघट हुन पुगेको भन्दै उनले संसद् समक्ष गल्ती सच्याउने प्रतिबद्धता व्यक्त गरे.
यसअघि विपक्षी दलहरूले बजेटको अङ्कमा व्यापक हेरफेर र अनियमितता भएको आरोप लगाउँदै संसद् बैठक अवरुद्ध गर्ने चेतावनी दिएका थिए. अर्थमन्त्रीको माफी र स्पष्टीकरणपछि २ अर्ब भनिएको बजेट ९२ करोडमा सीमित गर्दै गण्डकी प्रदेश सभामा विनियोजन विधेयकमाथिको छलफललाई पुनः अगाडि बढाउने वातावरण बनेको छ.
