काठमाडौँ । विश्वकीर्तिमानी नेपाली पर्वतारोही निर्मल पुर्जा ‘निम्सदाइ’ को पाकिस्तानस्थित ब्रोड पिक हिमालमा आएको विनाशकारी हिमपहिरोमा परी निधन भएको छ। ८,०४७ मिटर अग्लो ब्रोड पिक आरोहणका क्रममा गएको पहिरोमा परी पुर्जासहित उनको टोलीका अन्य दुई जना नेपाली सहयोगी आरोहीहरूले समेत ज्यान गुमाएका छन्।
प्राप्त विवरण अनुसार दुर्घटनामा परी पुर्जाका भरपर्दा आरोहण सहयोगी तथा अनुभवी गाइडहरू पुर बहादुर गुरुङ (युक्ता) र निमा शेर्पाको पनि निधन भएको छ। शनिबार ड्रोन सर्वेक्षणका क्रममा क्याम्प–१ नजिकै दुर्घटनास्थलमा शवहरू फेला परेपछि उद्धार टोलीले घटनास्थल पुगेर मृतकहरूको पहिचान गरेको हो। प्रतिकूल मौसम र भौगोलिक जटिलताका बाबजुद उद्धार टोलीले क्षेत्रमा खोजी तथा उद्धार कार्य सञ्चालन गरेको थियो।
पूर्व ब्रिटिस गोर्खा सैनिकसमेत रहेका निर्मल पुर्जाले सन् २०१९ मा संसारका १४ वटा ८ हजार मिटरभन्दा अग्ला हिमालहरू मात्र ६ महिना ६ दिनमा सफल आरोहण गरी विश्वकीर्तिमान कायम गरेका थिए। उनको यो साहसिक आरोहण यात्रामा आधारित डकुमेन्ट्री ‘फोर्टीन् पिक्स: नथिङ इज इम्पोसिबल’ विश्वभर निकै चर्चित छ। पर्वतारोहण क्षेत्रमा अपूरणीय क्षति पुर्याएको यस घटनाले देश तथा विदेशका साहसिक पर्यटन प्रेमीहरूलाई स्तब्ध बनाएको छ।
