काठमाडौँ । अमेरिकी राष्ट्रपति डोनाल्ड ट्रम्पको कडा सैन्य चेतावनीका बाबजुद इरानले कुवेतस्थित अमेरिकी सैन्य अखडामा क्षेप्यास्त्र तथा ड्रोन आक्रमण गरेको छ।
अमेरिकी सेनाले इरानका विभिन्न स्थानहरूमा गरेको हवाई बमबारीमा कम्तीमा १९ जना इरानी मारिएपछि जवाफी कारबाहीस्वरूप तेहरानले मध्यपूर्वका विभिन्न अमेरिकी सैन्य ठेगानालाई निशाना बनाएको हो। कुवेतको सेनाले आफ्नो क्षेत्रतर्फ आएका इरानी क्षेप्यास्त्र र ड्रोनहरूलाई आकाशमै रोक्ने प्रयास गरेको जनाएको छ भने इरानी सरकारी सञ्चारमाध्यमले अमेरिकी अपराधको कडा जवाफ दिइएको पुष्टि गरेका छन्।
यसअघि स्ट्रेट अफ हर्मुजमा तनाव बढेपछि वासिङ्टनले इरानी बन्दरगाह र लक्ष्यमा प्रहार गरेको थियो। राष्ट्रपति ट्रम्पले इरानमा जुनसुकै बेला थप शक्तिशाली आक्रमण गर्न अमेरिकी सेना तम्तयार रहेको चेतावनी दिएका छन् भने हर्मुज जलमार्गलाई ‘ट्रम्प स्ट्रेट’ नामकरण गर्ने विवादास्पद दाबी समेत गरेका छन्।
