काठमाडौँ । राष्ट्रपति रामचन्द्र पौडेलले आज (मङ्गलबार) आराध्यदेव पशुपतिनाथ मन्दिरमा विशेष पूजाअर्चना गर्ने भएका छन्। देश र जनताको हित, सुख, शान्ति तथा समग्र कल्याणको सङ्कल्पसहित राष्ट्रपतिले पशुपतिनाथमा विशेष पूजा गर्न लागेको राष्ट्रपति कार्यालयले जानकारी दिएको छ।

विशेष पूजाका लागि राष्ट्रपति पौडेल बिहान ७:०० बजे पशुपतिनाथ मन्दिर पुग्ने कार्यक्रम तय भएको छ। मुलुकमा आइपरेका विभिन्न विपद् र संकटको घडीमा देश र जनताको सुरक्षा एवं कल्याणको कामना गर्दै मन्दिरमा विधिपूर्वक पूजाआराधना गरिने जनाइएको छ।