काठमाडौँ । नेपाली बजारमा साताको सुरुवाती दिनदेखि नै सुनको मूल्यमा ठूलो उतारचढाव देखिएको छ। गत शुक्रबार उल्लेख्य गिरावट आएको सुनको भाउ आज (आइतबार) भने पुनः आकाशिएको छ।
नेपाल सुनचाँदी व्यवसायी महासंघका अनुसार आज सुनको मूल्य तोलामा २ हजार ३०० रुपैयाँले बढेको छ। योसँगै आज छापावाल सुन प्रतितोला ३ लाख ५ हजार ८०० रुपैयाँमा कारोबार भइरहेको छ।
गत शुक्रबार सुनको भाउ प्रतितोला ३ हजार रुपैयाँले घटेर ३ लाख ३ हजार ५ सय रुपैयाँमा झरेको थियो।
सुनको मूल्य बढ्दा चाँदीको मूल्यमा भने आज सामान्य गिरावट देखिएको छ। महासंघका अनुसार चाँदी आज तोलामा १५ रुपैयाँले घट्दै प्रतितोला ४ हजार ९८५ रुपैयाँ कायम भएको छ।
अघिल्लो कारोबार दिन (गत शुक्रबार) चाँदीको मूल्य तोलामा ३ सय ४० रुपैयाँले घटेर प्रतितोला ५ हजार रुपैयाँमा कारोबार भएको थियो।
