काठमाडौं । नेपाली बजारमा उच्च बिन्दुले बढेकाे सुनकाे भाउ आज सामान्य घटेको छ । हिजाे ताेलामा ३१०० रूपैयाँ बढेकाे सुनकाे भाउ आज तोलामा ४ सय रुपैयाँले घटेको हाे ।
नेपाल सुनचाँदी व्यवसायी महासंघका अनुसार आज छापावाल सुनको घटेर प्रतितोलामा २ लाख ६७ हजार ७ सय रुपैयाँ कायम भएको छ। हिजो प्रतितोला छापावाला सुनको भाउ तोलामा २ लाख ६८ हजार १ सय रुपैयाँमा किनबेच भएको थियो ।
यता आज चाँदीको भाउ भने बढेको छ । आज चाँदी तोलामा ५५ रुपैयाँले बढेको हो । यससँगै चाँदी तोलामा ४९ सय ३५ रुपैयाँ कायम भएको छ। हिजो चाँदी तोलामा ४८ सय ८० रुपैयाँमा कारोबार भएको थियो।
