काठमाडौं । महामन्त्री विश्वप्रकाश शर्माले नेपाली कांग्रेस पार्टीका तर्फबाट राष्ट्रियसभा सदस्यका उम्मेदवार तय गर्न बोलाइएको कार्यसम्पादन समितिको बैठक बहिस्कार गरेका छन् । महामन्त्री शर्माले मंगलबार र बुधबार बसेको बैठक बहिस्कार गरेका हुन् ।
उनले उम्मेदवारी छनोट प्रक्रियामा असन्तुष्टि जनाउँदै बहिस्कार गर्ने जानकारी कार्यवाहक सभापति पूर्णबहादुर खड्कालाई गराएका बताए । उम्मेदवारी छनौट प्रक्रियाको निश्चित मापदण्ड पनि बनाउन नसक्ने र प्राचीन खालको ६०र४० को भागबण्डा गरेर उम्मेदवार छान्ने कामको साक्षी किनारा बन्न नसक्ने शर्माले कार्यवाहक सभापति खड्कालाई बताएका थिए ।
मंगलबार र बुधबारको बैठकमा सहभागी एक पदाधिकारीले शर्मा बैठकमा सहभागी नभएको जानकारी दिए कांग्रेसले पार्टीभित्र भागबण्डाको आधारमा उम्मेदवार टुंग्याएको छ ।
नोट :हजुरको पनि गाउँ, टोल, छर-छिमेक वा समाजमा कुनै सुचना, संदेश, या नयाँ जानकारी छन् भने, तत्काल हामीलाई सम्पर्क गर्नुहोस, हामि त्यसलाई समाचार बनाउने छौं । साथै suryapatra.com बाट प्रकाशित समाचारमा कुनै सुझाव,सल्लाह र प्रतिक्रिया भए वा बिज्ञापन दिनु परेमा हामीलाई सम्पर्क गर्नुहोस जसको लागि हाम्रो इमेल :[email protected] तपाईं हामी सँग फेसबुक र ट्विटरमा पनि जोडिन सक्नुहुन्छ ।
