काठमाडाैं । उर्जा, जलस्रोत, भौतिक पूर्वाधार तथा सहरी विकासमन्त्री कुलमान घिसिङले राजीनामा दिएका छन् । उनले बुधबार राती प्रधानमन्त्री सुशीला कार्कीसमक्ष राजीनामा बुझाए पछि पत्रकार सम्मेदन गर्दै साे जानकारी गराएका हुन् ।
भदौ २३,२४ को जेनजी आन्दोलनपछि गठन भएको नागरिक सरकारमा गत भदौ ३० गते मन्त्री नियुक्त भएका घिसिङले ४ महिना पनि नपुग्दै राजीनामा दिएका छन् ।
प्रधानमन्त्री कार्कीले मन्त्रिपरिषद बैठकमा राजनीतिक दलमा जोडिएका मन्त्रीहरुलाई मार्गप्रशस्त गर्न आग्रह गरेकी थिइन् । घिसिङ रास्वपाको उपाध्यक्ष बनिसकेको चर्चा चले पनि उनले भने आफू कुनै दलको सदस्य नभएको दावी गर्दै आएका थिए।
कुनै पनि राजनीतिक दलकाे सदस्यता नलिएकाे दाबी गरेका घिसिङले रास्वपाबाट काठमाडौं ३ बाट उम्मेदवारी दिने तयारी गरेका छन् ।
यद्यपी रास्वपासंग पार्टी एकिकरण गरिसके पनि भागवण्डा कुरा मिलिसकेको छैन । कुलमान निकटका नेताहरु सम्मानजनक एकता नभए रास्वपा छोडेर पूर्व सचिव अनुप उपाध्यायको अध्यक्षतामा गठित उज्यालो नेपाल पार्टीबाट राजनीति गर्न सक्ने दावी गर्दै आएका छन् ।
