काठमाडौँ । नेकपा (एमाले) का अध्यक्ष एवं पूर्वप्रधानमन्त्री केपी शर्मा ओली त्रिवि शिक्षण अस्पताल (टिचिङ) बाट डिस्चार्ज हुनुभएको छ। २१ दिनअघि भर्ना हुनुभएका ओलीको स्वास्थ्य अवस्थामा सुधार आएपछि शनिबार साँझ उहाँलाई अस्पतालबाट डिस्चार्ज गरिएको हो। अस्पतालमा रहँदा उहाँको पित्तथैलीमा रहेको २२ एमएमको पत्थरी हटाउन सफल शल्यक्रिया गरिएको थियो।
गत चैत १४ गते पक्राउ परेलगत्तै स्वास्थ्यमा समस्या देखिएपछि ओलीलाई अस्पताल भर्ना गरिएको थियो। शल्यक्रियापछि केही दिन चिकित्सकहरूको सघन निगरानीमा रहनुभएका उहाँको स्वास्थ्य रिपोर्ट सकारात्मक आएपछि अस्पतालले घर फर्कने अनुमति दिएको हो। अस्पतालका प्रवक्ता डा. गोपाल सेढाईंका अनुसार शल्यक्रिया सफल भएको र रिकभरी सन्तोषजनक रहेकाले उहाँलाई डिस्चार्ज गरिएको हो।
अस्पतालबाट बाहिरिँदा उहाँका समर्थकहरूको बाक्लो उपस्थिति रहेको थियो। चिकित्सकहरूले ओलीलाई अझै केही समय पूर्ण रूपमा आराम गर्न र नियमित फलोअपमा रहन सल्लाह दिएका छन्। उहाँका निजी चिकित्सकका अनुसार अब केही हप्ता उहाँ घरमै स्वास्थ्य लाभ गर्नुहुनेछ।
