काठमाडौँ । भोटेकोशी र त्रिशूली नदीको बाढी तथा पहिरो प्रभावित जिल्लाहरू (रसुवा, नुवाकोट र धादिङ) बाट पोस्टमार्टमका लागि काठमाडौँस्थित त्रिवि शिक्षण अस्पताल ल्याइएका ११४ शवमध्ये हालसम्म १३ वटा शवको मात्र सनाखत भएको छ।
काठमाडौँका परिसर प्रमुख (एसएसपी) दिलीप घिमिरेका अनुसार सनाखत भएकामध्ये १२ जनाको शव आफन्तले बुझेर दाहसंस्कार गरिसकेका छन् भने एक जनाको शव बुझाउने प्रक्रिया जारी छ।
यसैबिच, पहिचान हुन नसकेका ४६ वटा शवहरू काठमाडौँको गोकर्णेश्वर नगरपालिका–७ स्थित दक्षिणढोका जङ्गलमा सुरक्षित रूपमा गाडेर व्यवस्थापन गरिएको जिल्ला प्रशासन कार्यालय काठमाडौँले जनाएको छ। शव गाड्नुअघि भविष्यमा हुनसक्ने पहिचानका लागि डिएनए (DNA) नमुना संकलन, फिङ्गर प्रिन्ट र पाँचथान तस्बिरहरू सुरक्षित राखिएको छ।
