काठमाडौँ – निरा पाण्डेको हत्यामा संलग्न रहेको आरोपमा एक व्यक्ति पक्राउ परेका छन्।
प्रहरीले पाण्डेको हत्यामा संलग्न रहेको आरोपमा ९ दिन पछि झापाबाट विनोद विकलाई पक्राउ गरेको हो। उनी शनिबार पक्राउ परेका हुन्।
कपनको सरस्वतीनगरीस्थित निरा किचन सञ्चालन गर्दै आएकी पाण्डेको गत वैशाख ७ मा रहस्यमय तरिकाले हत्या भएको थियो। प्रहरी स्रोतका अनुसार बिकलाई झापा नै पुगेर पक्राउ गरिएको हो, उनी काठमाडौँमा पाण्डेको हत्या गरी झापातर्फ फरार भएका थिए।
नौ दिनसम्म पनि पाण्डेको हत्यारालाई पक्राउ नगरेको भन्दै आफन्तजनले शनिवार मात्रै काठमाडौँमा प्रदर्शन गरेका थिए भने सरकारले शुक्रबार मात्रै विशेष छानबिन समिति गठन गरेको थियो। उनको हत्यारालाई पक्राउ गर्नका लागि गगन थापालगायतले संसदमा पनि आवाज उठाएका थिए।
नौ दिन पछि पक्राउ परेका बिकलाई औपचारिक रुपमा आइतबार मात्रै सार्वजनिक गर्ने जनाइएको छ।
