काठमाडौं । नेपाली बजारमा सुन र चाँदीको मूल्यमा उच्च वृद्धि देखिएकाे छ। नेपाल सुनचाँदी व्यवसायी महासंघका अनुसार आज फागुन २६ गते सुनको मूल्यमा प्रतितोला ३ हजार ८ सय रुपैयाँको उछाल आएको हो।
यो वृद्धिसँगै आज छापावाल सुनको मूल्य प्रतितोला ३ लाख १७ हजार रुपैयाँ कायम भएको छ। यसअघि फागुन २५ गते सुन प्रतितोला ३ लाख १३ हजार २ सय रुपैयाँमा कारोबार भएको थियो। हिजो सुनकाे मूल्य ताेलामा ३ हजार ७०० रुपैयाँले घटेको थियाे ।
त्यस्तै, आज चाँदीको मूल्यमा पनि उल्लेख्य वृद्धि देखिएको छ। महासंघका अनुसार चाँदीको मूल्य तोलामा ३१० रुपैयाँले बढेर ५ हजार ७२० रुपैयाँ पुगेको छ। हिजो फागुन २५ गते चाँदी प्रतितोला ५ हजार ४१० रुपैयाँमा किनबेच भएको थियो।
