काठमाडौँ । नेपाली कांग्रेसको महाधिवेशन अन्तर्गत नयाँ कार्यसमितिका लागि तय भएको निर्वाचनअघि नै तीन जना उम्मेदवारहरू निर्विरोध निर्वाचित भएका छन्।
निर्वाचन समितिका अनुसार वरिष्ठ उपसभापति पदमा विश्वप्रकाश शर्मा, महिलातर्फ उपसभापतिमा पुष्पा भुसाल र काठमाडौँ उपत्यका महिला सदस्यतर्फ प्रा.डा. अमिता प्रधान शाक्य निर्विरोध निर्वाचित भएका हुन्।
सभापतिसहित अन्य बाँकी पदहरूमा भने चुनावी प्रतिस्पर्धा हुनेछ। सभापति पदका लागि गगनकुमार थापा र श्यामकृष्ण खड्गीबीच प्रतिस्पर्धा हुनेछ भने केन्द्रीय कार्यसमितिका लागि भोलि बिहान १० बजेदेखि मतदान सुरु हुने कार्यक्रम तय गरिएको छ।
