काठमाडौँ । प्रख्यात बलिउड अभिनेता नाना पाटेकरको ७५ वर्षको उमेरमा निधन भएको छ। गोवास्थित आफ्नै निवासमा हृदयघातका कारण उनको निधन भएको भारतीय सञ्चारमाध्यमहरूले जनाएका छन्।
लामो समयदेखि हिन्दी र मराठी फिल्ममा उत्कृष्ट अभिनय गर्दै आएका पाटेकरले ‘परिन्दा’, ‘क्रान्तिवीर’ र ‘अग्निसाक्षी’ जस्ता चर्चित चलचित्रमा उत्कृष्ट अभिनयका लागि तीनवटा राष्ट्रिय फिल्म पुरस्कार जितेका थिए। भारतीय सिनेमामा पुर्याउनुभएको विशिष्ट योगदानको कदर गर्दै उनलाई सन् २०१३ मा ‘पद्मश्री’ बाट सम्मानित गरिएको थियो।
गम्भीर भूमिकासँगै ‘वेलकम’ जस्ता हास्यप्रधान चलचित्रमा पनि उत्तिकै सफल अभिनय गरेका नाना पाटेकर आफ्नो सरल जीवनशैली र राष्ट्रप्रतिको समर्पणका लागि पनि सधैँ परिचित रहेका थिए।
