काठमाडाैं । लगातार दुई दिन बढेको शेयर बजारमा आज दाेहाेराे अंककाे गिरावट आएकाे छ । आज नेपाल स्टक एक्सचेञ्ज नेप्से परिसूचक १३.३५ अंकले घटेर २६ सय ३५ दशमलव ९४ बिन्दुमा झरेको छ ।
आज फाइनान्स र व्यापार समुहकाे सेयरमा झिनाे सुधार देखिएकाे छ भने बाँकी सबै समुहकाे सेयर घटेकाे छ ।
यसदिन होटल तथा प्यटनकाे सेयर १.४२ प्रतिशत र उत्पादन तथा प्रशाेधन समुहकाे सेयर १.१६ प्रतिशतले उकालो लागेको छ ।
आज १ सय ८६ वटा कम्पनीको शेयर घटेकोमा ६२ वटाको बढेको छ । यस्तै १० वटा कम्पनीको शेयर घटबढ भएको छैन ।
आज नारायणी डेभलपमेन्ट बैंककाे सेय मूल्य ६.०८ प्रतिशत बढेकाे छ भने एसवाई प्यानलकाे सेयर मूल्य ८.४५ प्रतिशत घटेकाे छ ।
आज नेप्सेसँगै कारोबार रकम पनि घटेको छ । हिजो ७ अर्ब १२ करोडको कारोबार भएकोमा आज ३ सय २३ वटा कम्पनीका १ करोड ६ लाख ३३ हजार ७१७ कित्ता शेयर ५ अर्ब १७ करोड ५० लाख ९१ हजार रुपैयाँमा किनबेच भएको छ ।
