काठमाडाैं । नेपाली बजारमा सुनको मूल्य आइतबार पनि उकालो लागेको छ। केही दिनयता निरन्तर बढिरहेको सुनको मूल्य गत शुक्रबार प्रतितोला ७०० रुपैयाँले बढेपछि आज पुनः ६०० रुपैयाँले वृद्धि भएको हो।
नेपाल सुनचाँदी व्यवसायी महासंघका अनुसार आइतबार छापावाल सुनको मूल्य प्रतितोला २ लाख ७७ हजार ८०० रुपैयाँ कायम गरिएको छ। यसअघि शुक्रबार छापावाल सुन प्रतितोला २ लाख ७७ हजार २०० रुपैयाँमा कारोबार भएको थियो।
यता, चाँदीको मूल्य भने घटेको छ। शुक्रबार प्रतितोला ५ हजार ६४५ रुपैयाँमा कारोबार भएको चाँदी आइतबार घटेर ५ हजार ६२५ रुपैयाँमा झरेको महासंघले जनाएको छ।
