काठमाडाैं । नेपाली बजारमा सुनकाे मूल्य बढ्ने क्रमले मंगलबार पनि निरन्तरता पाएकाे छ । आइतबार साेमबार ताेलमा ५ हजार ६०० रूपैयाँले बढेकाे सुनकाे भाउ आज पनि ताेलामा २ हजार ५०० रूपैयाँले बढेकाे हाे ।
याेसँगै मंगलबार, नेपाली बजारमा सुनको मूल्य प्रतितोला तीन लाख २८ हजार रुपैयाँ नाघेको छ।
नेपाल सुनचाँदी व्यवसायी महासंघका अनुसार यस दिन छापावाल सुनको मूल्य प्रतितोला तीन लाख २८ हजार ६०० रुपैयाँ कायम भएको छ। हिजो सोमबार प्रतितोला ३ लाख २६ हजार १०० र आइतबार प्रतिताेला ३ लाख २० हजार ५०० रूपैयाँ कायम भएकाे थियाे ।
महासंघका अनुसार चाँदीको मूल्य भने घटेको छ। मंगलबार चाँदी २०५ रुपैयाँले घटेर प्रतितोला ५ हजार ८१५ रुपैयाँमा कारोबार भईरहेको छ । सोमबार चाँदी प्रतितोला ६ हजार २० रुपैयाँमा कारोबार भएको थियो।
