काठमाडाैं । स्थानीय बजारमा शुक्रबार सुन र चाँदी दुवैको मूल्यमा उल्लेख्य गिरावट आएको छ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ हजार ८०० रुपैयाँले घटेको हो।
यससँगै छापावाल सुनको कारोबार मूल्य प्रतितोला ३ लाख १४ हजार २०० रुपैयाँ कायम भएको छ, जबकि बिहीबार यसको मूल्य ३ लाख १७ हजार रुपैयाँ रहेको थियो। बिहीबार पनि सुनको भाउ प्रतितोला २ हजार रुपैयाँले ओरालो लागेको थियो।
सुनसँगै चाँदीको मूल्यमा पनि सामान्य गिरावट देखिएको छ। शुक्रबार चाँदी तोलामा २० रुपैयाँले सस्तिएर प्रतितोला ५ हजार ४९५ रुपैयाँमा झरेको छ।
अघिल्लो दिन अर्थात् बिहीबार चाँदी प्रतितोला ५ हजार ५१५ रुपैयाँमा खरिदबिक्री भएको थियो।
