काठमाडौं,१५ जेठ –सरकारले पत्रकारलाई सरकारी अस्पतालमा निस्शुल्क उपचार गर्ने ब्यवस्था मिलाउने भएको छ । अर्थमन्त्री विष्णु पौडेलले आर्थिक वर्ष २०७८÷०७९ को बजेटमा नेपाल पत्रकार महासंघको सदस्य रहेका पत्रकारलाई सरकारी स्वास्थ्य संस्थामा निशुल्क उपचारको व्यवस्था गर्ने घोषणा गर्नुभएको हो ।
पत्रकारको उपचारका लागि नेपाल पत्रकार महासंघ, प्रेस काउन्सिल लगायतका संस्थासँग मिलेर कार्य गरिने अर्थमन्त्री पौडेलले बताउनुभयो । बजेटमा सञ्चार गृहलाई पनि सहुलियत रुपमा कर्जाको व्यवस्था गरिएको अर्थमन्त्री पौडेलले बताउनभयो । मन्त्री पौडेलले कोरोना भाइरसको महामारीबाट प्रभावित पत्रकारलाई लेखनवृत्ति सुविधा दिने समेत बताउनुभयो ।
