काठमाडौं । राष्ट्रिय सभाको १९औँ अधिवेशन आज बिहान ११ बजेदेखि सिंहदरबारस्थित संघीय संसद् सचिवालयमा सुरु हुँदैछ।
नयाँ बानेश्वरस्थित संसद् भवन ‘जेनजी’ आन्दोलनका क्रममा क्षतिग्रस्त भएकाले यसपटक सचिवालयमै बैठकको व्यवस्था मिलाइएको हो।
आजको पहिलो बैठकमा अध्यक्ष नारायणप्रसाद दाहालले राष्ट्रपतिद्वारा प्रेषित अधिवेशन आह्वानको पत्र वाचन गर्ने र हालै निधन भएका नेपाली कांग्रेसका सांसद बलदेव बोहराप्रति शोक प्रस्ताव पारित गर्ने कार्यसूची छ।
मन्त्रिपरिषद्को पुस २८ गतेको सिफारिसमा राष्ट्रपति रामचन्द्र पौडेलले माघ ४ गतेका लागि यो अधिवेशन आह्वान गरेका हुन्। यसैबीच, माघ ११ गते रिक्त १९ सदस्यका लागि निर्वाचन हुने तयारी समेत भइरहेको छ।
