काठमाडौँ । नेपाली बजारमा मंगलबार सुनको मूल्यमा ठूलो वृद्धि देखिएको छ। सोमबारको तुलनामा आज छापावाल सुनको भाउ प्रतितोला ६ हजार ७०० रुपैयाँले उकालो लागेको हो।
नेपाल सुनचाँदी व्यवसायी महासंघका अनुसार आजका लागि सुनको बजार मूल्य प्रतितोला २ लाख ९० हजार २०० रुपैयाँ निर्धारण गरिएको छ।
यसअघि साताको दोस्रो दिन सोमबार भने सुनको मूल्यमा गिरावट आएको थियो। हिजो तोलामा २ हजार ५०० रुपैयाँले घटेर छापावाल सुन प्रतितोला २ लाख ८३ हजार ५०० रुपैयाँमा खरिद–बिक्री भएको थियो।
सुनसँगै आज चाँदीको मूल्यमा पनि बढोत्तरी भएको छ। महासंघका अनुसार चाँदी तोलामा १४५ रुपैयाँले बढेर प्रतितोला ४ हजार ८४५ रुपैयाँ कायम भएको छ। हिजो सोमबार चाँदीको मूल्य तोलामा २० रुपैयाँले ओरालो लाग्दै ४ हजार ७०० रुपैयाँमा कारोबार भएको थियो।
