काठमाडौँ । प्रधानमन्त्री तथा मन्त्रिपरिषद्को कार्यालय सिंहदरबारमा मन्त्रिपरिषद्को महत्त्वपूर्ण बैठक सुरु भएको छ। मंगलबार अपरान्ह सुरु भएको बैठकमा सरकारका नियमित कामकारबाही, समसामयिक राजनीतिक अवस्था तथा विभिन्न मन्त्रालयका प्रशासनिक प्रस्तावहरूमाथि छलफल भइरहेको प्रधानमन्त्रीको सचिवालयले जनाएको छ।
बैठकमा देशका विभिन्न भागमा हालै आएको अविरल वर्षा र बाढी-पहिरोपछिको पुनर्निर्माण, राहत वितरणको समीक्षा तथा जनजीवन सामान्य बनाउन चालिएका कदमहरूबारे सम्बन्धित मन्त्रीहरूले ब्रिफिङ गर्ने कार्यसूची रहेको छ। साथै, राष्ट्रिय महत्वका विकास आयोजनाहरूको प्रगति तथा सार्वजनिक सेवा प्रवाहलाई चुस्त बनाउने विषयमा समेत गहन छलफल भइरहेको छ।
मन्त्रिपरिषद्को जारी बैठकले विभिन्न मन्त्रालयबाट पेस भएका प्रशासनिक तथा नीतिगत प्रस्तावहरूमाथि आवश्यक निर्णय गर्नेछ। यसका साथै केही महत्त्वपूर्ण नियुक्ति, बढुवा तथा संसद्मा प्रस्तुत हुने नयाँ विधेयकहरूका सम्बन्धमा समेत मन्त्रिपरिषद्ले आवश्यक निर्णय लिने बताइएको छ।
