अमेरिकन आइडलको १८ औं संकरणमा नेपाली गायक दिवेश पोखरेल उप–विजेता बन्न सफल छन् । अमेरिकन आइडलको उपाधी भने जस्ट सामले उचालेका छन् । उत्कृष्ठ पाँचमा परेका दिवेश भोटका आधारमा दोस्रो बनेका हुन् ।
भोटका आधामा विजेता घोषणा गरिएको अमेरिकन आईडलको टप २ मा पुगेका दिवेशले भोट कम आउँदा उपाधि चुम्न चुम्न सेकनन् । उनी अमेरिकन आइडलको फाइनलमा पुग्ने पहिलो नेपाली बनेका छन् ।
अमेरिकन आइडलको १८ औं संस्करणको अडिसन राउन्डदेखि नै चर्चामा रहेको दिवेशको यो उपलब्धिलाई लिएर नेपाली समुदायमा उत्साह छाएको छ । एबिसी टेलिभिजनबाट प्रसारण भएको अमेरिकन आइडलका अन्तिम सबै प्रतियोगीहरुले कोभिड–१९ का कारण घरबाटै प्रस्तुति दिएका थिए ।
अमेरिकन आइडलको १८ औँ संस्करणमा लुक ब्रायन, केटी पेरी र लिओनेल रिची निर्णायक थिए । आइडलका निर्णायक लियोनल रिचीले दिवेशको गायिकीलाई बब मार्लीसँग दााजेका थिए । अर्का निर्णायक लुक ब्रायनले अमेरिकन आइडलमा अहिलेसम्म पाएकामध्ये सबैभन्दा ठूलो स्टार हुन सक्ने भन्दै प्रशंसा गरेका थिए ।
६ वर्षदेखि अमेरिकामा बस्दै आएका दिवेशको स्टेज नेम ‘अर्थर गन’ हो ।
