काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछाने र काठमाडौं महानगरपालिकाका मेयर बालेन शाहबीच आज तेस्रो पटक भेटवार्ता हुने भएको छ।
ललितपुरको कुपोण्डोलमा आज रवी र बालेनबीच भेटवार्ता हुने बताइएको छ । यसअघि दुई पटक छलफल गरे पनि कुनै ठोस निस्कर्ष निस्किएको थिएन तर आज हुने छलफललाई निर्णायक भनिएको छ ।
यसअघिका भेटमा यसपटक सरकारको नेतृत्व बालेनले र अर्को चुनावपछि भने सरकारको नेतृत्व रविले गर्ने भन्ने छलफल भएको खबरहरु बाहिरीएका थिए ।
त्यसमा ठोस सहमति नभए पनि सकारात्मक छलफल भएको रास्वपा निकट नेताहरुले बताएका थिए । आज पनि यीनै विषयमा छलफल हुनेछ ।
केही दिनयता बालेनले पनि राजनीतिक सक्रियता बढाएका छन् । रवीसँग सँगै उनले जेनजी अभियन्ता, कुलमान घिसिङलगायतका व्यक्तिसँग छलफल गरेका छन्।
