काठमाडाैं । सर्वोच्च अदालतले नेकपा एमाले विभाजन गरी बनेको नेकपा एकीकृत समाजवादी पार्टीकाे दर्ता खारेज हुनपर्ने माग अस्वीकार गरेको छ ।
साेमबार न्यायाधीशहरू डा. मनोज शर्मा र सुनिलकुमार पोखरेलको इजलासले एमाले अध्यक्ष केपी शर्मा ओलीले पेश गरेको रिट निवेदन खारेज गरेको हो ।
माधवकुमार नेपाल नेतृत्वको एकीकृत समाजवादी गठन भएपछि एमाले अध्यक्ष ओलीसहितले २०७८ भदौ १६ गते सर्वोच्च अदालतमा रिट दायर गरेका थिए।
एकीकृत समाजवादीसहित कम्तीमा १० वटा दलहरू मिलेर अहिले नेपाली कम्युनिस्ट पार्टी बनेको छ।
रिट निवेदन खारेज गरेपनि सर्वोच्च अदालतले केही निर्देशनात्मक आदेश जारी हुने जनाएको छ ।
