काठमाडौँ । नेपाली कांग्रेस संसदीय दलको बैठक आज (सोमबार) बस्दै छ। नेपाली कांग्रेस संसदीय दलको कार्यालयका अनुसार बैठक बिहान ११:०० बजे सिंहदरबारस्थित दलको कार्यालयमा बस्ने तय भएको हो।
बैठकमा मुलुकको वर्तमान राजनीतिक अवस्था, संसद्मा पार्टीले खेल्नुपर्ने प्रभावकारी भूमिका तथा जनसरोकारका समसामयिक विषयहरूमा गहन छलफल हुनेछ। मुलुकको पछिल्लो राजनीतिक घटनाक्रम र आगामी संसदीय रणनीति तय गर्नका लागि बैठक आह्वान गरिएको हो।
यसका साथै, पछिल्लो समय देशका विभिन्न भागमा निम्तिएको प्राकृतिक विपद्का घटनाहरू, नागरिकले भोग्नुपरेका तत्कालीन समस्या तथा राहत र उद्धार कार्यका विषयमा समेत बैठकमा विस्तृत समीक्षा हुने जनाइएको छ।
