काठमाडौँ। नेपालमा पश्चिमी न्यूनचापीय प्रणालीको प्रभाव जारी रहेकाले मौसम पूर्वानुमान महाशाखाले कोशी, बागमती, गण्डकी र कर्णाली प्रदेशका पहाडी क्षेत्रमा पूर्ण बादल छाएको तथा बाँकी भागमा आंशिक बादल लागेको जनाएको छ । बागमतीका थोरै र गण्डकीका एक-दुई स्थानमा हल्का वर्षा भइरहेको छ ।
आज दिउँसो तराईका धेरै स्थानमा हुस्सु र कुहिरो रहनेछ भने कोशी, बागमती र गण्डकीका उच्च पहाडी तथा हिमाली भूभागमा आंशिक बादलसँगै एक-दुई स्थानमा हल्का हिमपात र वर्षाको सम्भावना छ, बाँकी क्षेत्रमा मौसम सफा रहनेछ ।
राति तराईका केही स्थानमा हुस्सु देखिने छ भने कर्णाली, सुदूरपश्चिमसहित कोशी, बागमती र गण्डकीका उच्च हिमाली क्षेत्रमा आंशिक बादल रहनेछ, बाँकी भाग सफा हुनेछ र ती प्रदेशका उच्च भूभागमा हिमपातसहित हल्का वर्षाको जोखिम कायमै रहनेछ ।
