काठमाडौँ । मुलुकभर मौसमी प्रणालीमा आएको परिवर्तनसँगै आज (सोमबार) देशभर आंशिक बदली रहने जल तथा मौसम विज्ञान विभाग, मौसम पूर्वानुमान महाशाखाले जनाएको छ। महाशाखाका अनुसार आज दिउँसो देशका हिमाली र पहाडी भू-भागका थोरै स्थानमा मेघगर्जन र चट्याङ्गसहित हल्कादेखि मध्यमसम्म वर्षा तथा हिमपातको सम्भावना रहेको छ भने तराई भेगका एक-दुई स्थानमा मध्यम वर्षा हुनसक्नेछ।
यसैगरी आज राति देशका हिमाली तथा पहाडी भू-भागमा आंशिक बदली रहनेछ भने तराई भू-भागमा मौसम मुख्यतया सफा रहने पूर्वानुमान गरिएको छ। रातिको समयमा हिमाली र पहाडी भेगका एक-दुई स्थानमा मात्र मध्यम वर्षा वा हिमपातको सम्भावना रहेको महाशाखाले जनाएको छ।
