नेपाल सुपर लिग २०२३ मा धनगढी एफसीले वीरगञ्ज युनाइटेडको सामना गर्दै

काठमाडौं । नेपाल सुपर लिग २०२३ मा धनगढी एफसीले वीरगञ्ज युनाइटेडको सामना गर्दैछ । दशरथ रंगशालामा बेलुका ५ः३० बजे हुने यस खेलसँग जोडिएका महत्त्वपूर्ण तथ्यांक यस प्रकार छन् ।

१. वीरगञ्ज युनाइटेडले प्रतियोगितामा डेब्यु गर्ने क्रममा सहभागिता जनाउने नवौं फ्रान्चाइज टिम बन्ने छ ।

२. यसपल्ट तीन टिमले पहिलो पल्ट सहभागिता जनाउँदैछ । त्यसमध्ये स्पोर्टिङ इलामले खेलिसकेको छ भने झापा एफसीले खेल्न बाँकी छ ।

३. यो यसपल्टको प्रतियोगिताको चौथो खेल हुनेछ । समग्रमा भने यो २९ औं खेल रहेको छ ।

४. धनगढी र वीरगञ्जको यो पहिलो भेट हुनेछ ।

५. धनगढी प्रतियोगिताको पछिल्लो उप–विजेता हो । फाइनलमा धनगढी काठमाडौंको हातबाट १–० ले पराजित भएको थियो ।

६. धनगढीले अहिलेसम्म प्रतियोगितामा कुल आठ खेल खेलेको छ । त्यसमा चार जित, एक बराबरी र तीन हार रहेका छन् ।

७. जितको आधारमा काठमाडौं रेजर्सपछि धनगढी प्रतियोगिताको संयुक्त दोस्रो सफल टिम हो । काठमाडौंले अहिलेसम्म समग्रमा सात जित हात पारेको छ भने धनगढीमा पक्षमा चार जित रहेको छ । ललितपुरले पनि चार जित आत्मसात् गरिसकेको छ ।

LEAVE A REPLY

Please enter your comment!
Please enter your name here

नोट :हजुरको पनि गाउँ, टोल, छर-छिमेक वा समाजमा कुनै सुचना, संदेश, या नयाँ जानकारी छन् भने, तत्काल हामीलाई सम्पर्क गर्नुहोस, हामि त्यसलाई समाचार बनाउने छौं । साथै suryapatra.com बाट प्रकाशित समाचारमा कुनै सुझाव,सल्लाह र प्रतिक्रिया भए वा बिज्ञापन दिनु परेमा हामीलाई सम्पर्क गर्नुहोस जसको लागि हाम्रो इमेल :[email protected] तपाईं हामी सँग फेसबुक र ट्विटरमा पनि जोडिन सक्नुहुन्छ ।

ताजा