काठमाडौं । जेन–जी अभियानका अगुवा तथा ‘हामी नेपाल’ का संयोजक सुधन गुरुङले रास्वपा सभापति रवि लामिछाने र काठमाडौं महानगरपालिकाका मेयर बालेन साहबीच सहकार्य र सहमति आवश्यक रहेको भन्दै कडा दबाब दिएका छन्।
ललितपुरको ज्वागालस्थित कुमार बेनको निवासमा बिहीबार दिउँसो दुवै नेताबीच छलफल भइरहेका बेला गुरुङले घरको मुख्य गेटमा ताला लगाएको भिडियो सार्वजनिक भएको छ। उक्त भिडियोमार्फत उनले सहमति नभएसम्म दुवै नेतालाई बाहिर जान नदिने बताएका छन्।
उनले भने “हाम्रा दुवै नेता भित्रै हुनुहुन्छ। उहाँहरूबीच सहमति नजुटेसम्म यो गेट खुल्दैन, हामीले यहाँ ताला लगाइराखेका छौं, उहाँहरूबीच कुरा नमिलेसम्म हामी ताला खोल्दैनौं ।”
