काठमाडौं । लगातार बढेर उच्च बिन्दुमा पुगेको सुनको मूल्य बिहिबार घटेको छ । आज सुनको भाउ तोलाको ६०० रुपैयाँ र चाँदीको भाउ २० रूपैयाँले घटेको नेपाल सुनचाँदी व्यवसायी महासंघले जनाएको छ ।
महासंघका अनुसार यस दिन सुनको भाउ तोलाको २ लाख ६७ हजार ५०० रुपैयाँमा झरेको छ। हिजो बुधबार सुन प्रतितोला ९०० रूपैयाँ बढेर २ लाख ६८ हजार १०० रुपैयाँमा कारोबार भएको थियो ।
यसैगरी, आज चाँदीको मूल्य पनि तोलामा २० रूपैयाँ घटेको छ । हिजो ४ हजार ४२० रुपैयाँ रहेको चाँदीको मूल्य आज ४ हजार ४०० रुपैयाँ निर्धारण भएको महासंघले जनाएको छ ।
