काठमाडौं । नेपाली बजारमा निरन्तर उच्च बिन्दुले बढेर नयाँ रेकर्ड कायम गरेकाे सुनकाे मूल्य बिहिबार घटेकाे छ। हिजाे एकैदिन ताेलामा १० हजार १०० रूपैयाँले बढेर ३ लाख नजिक पुगेकाे सुनकाे मूल्य आज तोलामा दुई हजार ९०० रुपैयाँले घटेकाे हाे।
नेपाल सुनचाँदी ब्यवसायी महासंघका अनुसार आज छापावाल सुन प्रतितोला दुई लाख ९२ हजार २०० रुपैयाँमा काराेबार भइरहेको छ । अघिल्लो कारोबारको दिन भने सुन तोलामा दुई लाख ९५ हजार १०० रुपैयाँमा कारोबार भइरहेको थियो ।
यता, आज चाँदीको मूल्य तोलामा ५०० रुपैयाँले घटेर प्रतितोला पाँच हजार ८७० रुपैयाँमा किनबेच भइरहेको छ । हिजाे चाँदी प्रतिताेला ५ हजार ९ सय २० रूपैयाँमा काराेबार भएकाे थियाे ।
